মালৈ
মা
আজি মই তোমাৰ স্মৃতিৰ
বৰপেড়া খুলিম
তোমাৰ সুবাসত
আকণ্ঠ ডুবিম ।
মা
আজি মই
তুমিময় হ'ম ।
এদিন তোমাৰ ছাঁ হৈ আহিছিলো
এই মায়াময় শ্যামলী ধৰণীলৈ
তোমাৰ বুকুৰ অমৃতেৰে
জীপাল হৈ উঠিছিল মোৰ সত্তা ।
তোমাৰ আঁচলৰ উমেৰে
সমৃদ্ধ হ'ল মোৰ মনৰ জগত ।
জীৱনৰ ৰ'দ বৰষুণ, বতাহ ধুমুহাই
বিধ্বস্ত কৰিব নোৱাৰাকৈ
তোমাৰ আলফুলীয়া ডেউকাৰে আৱৰি ৰাখি
শিকালা জীৱন জিনাৰ মন্ত্ৰ ।
তোমাৰ মৰমৰ নৈত সাঁতুৰি নাদুৰি
শৈশৱ, কৈশোৰৰ চোতাল গৰকি
জীৱনত লাভ কৰিলো পূৰ্ণতা ।
মা
মোক জীৱন দিয়াৰ প্ৰতিদানত
তোমাক কিয়েই বা দিলো মই ?
মা
আজীৱন ধৰুৱা মই তোমাৰ ।
(মাৰ পূণ্য তিথিত শ্ৰদ্ধাৰে )
⏩সাৰদা শ্ৰেষ্ঠ ।
মা
আজি মই তোমাৰ স্মৃতিৰ
বৰপেড়া খুলিম
তোমাৰ সুবাসত
আকণ্ঠ ডুবিম ।
মা
আজি মই
তুমিময় হ'ম ।
এদিন তোমাৰ ছাঁ হৈ আহিছিলো
এই মায়াময় শ্যামলী ধৰণীলৈ
তোমাৰ বুকুৰ অমৃতেৰে
জীপাল হৈ উঠিছিল মোৰ সত্তা ।
তোমাৰ আঁচলৰ উমেৰে
সমৃদ্ধ হ'ল মোৰ মনৰ জগত ।
জীৱনৰ ৰ'দ বৰষুণ, বতাহ ধুমুহাই
বিধ্বস্ত কৰিব নোৱাৰাকৈ
তোমাৰ আলফুলীয়া ডেউকাৰে আৱৰি ৰাখি
শিকালা জীৱন জিনাৰ মন্ত্ৰ ।
তোমাৰ মৰমৰ নৈত সাঁতুৰি নাদুৰি
শৈশৱ, কৈশোৰৰ চোতাল গৰকি
জীৱনত লাভ কৰিলো পূৰ্ণতা ।
মা
মোক জীৱন দিয়াৰ প্ৰতিদানত
তোমাক কিয়েই বা দিলো মই ?
মা
আজীৱন ধৰুৱা মই তোমাৰ ।
(মাৰ পূণ্য তিথিত শ্ৰদ্ধাৰে )
⏩সাৰদা শ্ৰেষ্ঠ ।
No comments:
Post a Comment