শূণ্য

পৃথিৱীৰ মায়া এৰি
এদিন মই সুদা হাতেই যাম
মোৰ স্থায়ী ঠিকনা বিচাৰি ।
একোৱে নিয়া নহ'ব মোৰ
আনিছিলোনো কি
এই ধৰালৈ আহোতে ?
একোৱেইতো নাছিল মোৰ ।
কি আছিল মোৰ পৰিচয় ?
জীৱনত কি পালো
কি হেৰুৱালো
তাৰ হিচাপ ৰাখি
কি লাভ মোৰ ?
যি পালো
এই জীৱনতে পালো
আৰু
যি হেৰুৱালো
তাকো এই জীৱনতে হেৰুৱালো ।
জীৱনৰ জটিল অংকৰ
উত্তৰ মাথো এটাই
শূণ্য ।
কি আনিছিলো মই
কি আছে মোৰ
তেনেহলে কি বিচাৰি
খাওঁ ইমান হাবাথুৰি !